Është shpallur fituesi i edicionit të pestë të reality show Big Brother Albania 5. Ai është Arbri (Arbër Zeka) dhe rivalizoi me Liamin në këtë natë finale që ishte maratonë afro pesë orëshe.

Rreth një orë pas mesnate, gara për çmimin e madh 10 milionë lekë të rinj në Big Brother Albania 5 vazhdoi pasi më herët nga gara dolën Ermali dhe Franceska si dhe Genta.
Ermali dhe Françeska pas daljes nga shtëpia e BB5 thanë se vërtet humbën çmimin e madh por fituan lidhjen dashurore mes tyre, raporton noa.al.

Arbri u shpall kështu fitues i Big Brother Albania 5, por ai nuk do të marrë 100 milionë lekë (të vjetra) siç thuhet në spotet e shumta publicitare, por 8.5 milionë lekë të rinj. Kjo për shkak se ai ka hyrë më vonë se grupi i parë i personave që u bënë pjesë e Big Brother Albania 5. Sipas rregullave të BB5, çdo ditë vlerësohet me 100 mijë lekë të rinj dhe për totalin 100 ditë që zgjat ky reality show, shuma e përgjithshme është 10 milionë lekë. Meqenëse Arbri hyri 15 ditë më pas në shtëpinë e BB5, vlera u ul në 8.5 milionë.

Ndërkohë, duke llogaritur tatimin, rezulton se Arbri do të marrë 7.65 milionë lekë nga çmimi 8.5 milionësh për shkak të tatimit mbi fitimin në vlerën 10 për qind.

Sakaq, pjesa tjetër e parave, 1.5 milionë lekë të rinj do të ndahet mes Gentës, Françeskës, Ermalit e Arbrit, pra përkatësisht afro 400 mijë lekë për secilin.

Pëlqen! 2