Kujtoi keto fjale...
42, Tirana, Albania

Pas meje nuk do të jetë e njëjta gjë, me beso... Unë nuk kam asnjë gjë të veçantë. Sytë i kam ngjyrë kafe ne jeshil, asnjëherë nuk kam përgjigjen e duhur në kohën e duhur, flokët e mi janë të çrregullt. Megjithatë, pas meje ,nuk do të jetë kurrë e njëjta gjë për ty. Si mund të jem kaq i sigurt? Ke parë rreth e rrotull? Njerëzit që dashurojnë si unë kanë mbetur pak dhe për këtë jam i sigurt. Nuk dashuroj duke gjuajtur mbrëmjeve alkoolike të së shtunave. Nuk dashurohem kurrë, me përjashtim të një here të vetme. Të flas, të flas shumë. Të dëgjoj, të dëgjoj shumë. Bëj dashuri duke qarë e duke qeshur njëkohësisht... Mendoj për një mbrëmje që është e gjitha e jona dhe më kaplon ajo ndjenja lumturisë që nuk më takoja prej shumë vitesh, që kur isha i vogël dhe babai e nëna ime putheshin përballë meje. Përpiqem të të kuptoj. Të bëj të çmendesh. Ndoshta nuk më do por e di që të kam bërë të çmendesh. Me të gjitha tekat e mia, ndjenjat e mia të fajit, dëshirat e mia, shqetësimet e mia. Sytë e mi ngjajnë shumë me të të tjerëve, por shpesh janë aq indiferent sa mund të notosh brenda tyre. Ti je e marrosur pas meje. Tani, edhe mund të shkosh, dhe e di se do ta bësh, sepse e di se ato si unë të friksojnë ... Ik, gjithsesi e di se do të më ëndërrosh. Pas njëzet vitesh, një mbrëmje, do të ekzaltohesh duke mendaur shpinën time të zhveshur. Për ty nuk do të jetë më kurrë e njëjta gjë, pas meje. Më gjej një që të shikon në sy ashtu siç të shoh unë. Dhe nëse e gjen, largoje sepse nuk jam unë. Pendohu pas disa muajsh dhe mësoje se ato si unë dashurojnë aq shumë sa që nuk janë në gjendje të falin....

47 views
 
Komente

Nuk ka ende komente.
Lini komentin tuaj, filloni diskutimin!

Ditar
Blogët shkarkohen çdo 5 minuta