Te gjithe kemi degjuar per Kanunin e Leke Dukagjinit, disa prej nesh ndoshta dhe i njohin ligjet dhe kodet e tij. Dihet qe per periudhen kur ai eshte zbatuar ka qene nje nga "kushtetutat" me moderne qe kishte bota. Mirepo bota, qe prej asaj kohe ka ndryshuar dhe ka ecur shume perpara, duke lene pas shpine dhe ligjet dhe rregullat e asaj kohe. Por ja qe si duket shoqeria shqiptare nuk paska ndermend qe te çlirohet prej asaj kohe , prej atyre rregullave.
Ndoshta te tjereve do tu duket si nje nga paradokset e lashtesise, por shqiptareve nuk u ben pershtypje qe shume nga bashkeatdhetaret e tyre jane te ngujuar neper shtepi dhe neper kulla per aresye te nje Kanuni qe duhet te ishte zhdukur prej kohesh nga kujtesa jone. Nuk kam statistika te sakta per kete fenomen te njohur dhe njeheresh te panjohur shqiptar, por di se jane disa mijera persona, te cilet sot, ne shekullin e XXI jane te ngujuar per aresye te fenomenit tashme te njohur te gjakmarrjes. Dhe duhet te themi per hir te se vertetes ,se jo gjithmone po zbatohen dhe keto "ligje".
Si eshte e mundur qe sot, kur te rinjte po mendojne te kene nje makine te re , te kene internetin ne shtepi , apo te ndjekin nje aktivitet sportiv ne televizor, te tjere te rinj kerkojne qe te mbajne gjalle nje ligj gjakatar dhe denigrues per qenien njerezore, kerkojne me insistim qe ne emer te "nderit te familjes apo te fisit" te marrin jeten e te tjereve te cilet ndoshta dhe nuk jane fare fajtore per nje akt kriminal?
Nuk qenka e vetedijshme shoqeria e tanishme shqiptare per ate qe po ndodh me keta njerez? Nuk ekziston morali per ti thene ndal ketij fenomeni? Vertete qe nuk mund te ndryshohet mentaliteti i nje 60 vjeçari, por e keqja eshte se ata po zevendesohen nga 15-20 vjeçare , me te etshem per gjak sesa brezi paraardhes. Dhe primitivitetin e tyre po e paguajne familje te tera te mbyllura nga frika e hakmarrjes qe nuk ka kufi. Qe nuk kursen as dhe jeten e nje femije nese ai eshte mashkull. Nuk do te ishte mire qe ne te gjithe te diskutojme pak dhe kete teme e cila eshte shume me rendesi per ne te gjithe, sepse ndoshta nje dite do te ngelemi me goje hapur kur te na vije "haberi"; mos dil nga shtepia se me ke nje gjak borxh.
A nuk paska me burra ne trojet shqiptare qe te thone "ndal me me keto tmerre, stop kesaj masakre shqiptar me shqiptar, jo me gjak ne emer te jetes"?
Nuk do te ishte me mire qe te diskutojme dhe kete teme ne vend se te merremi vetem me perralla per femijet deri ne 60 vjeç?
Jam i sigurt se te gjithe kemi per te thene diçka rreth kesaj teme. Ndoshta nuk jemi te prekur personalisht nga ky fenomen, por le ta bejme kete per hir te atyre familjeve te cilat nuk munden te shohin diellin kur lind dhe perendon , per faj te nje ligji qe nuk duhet te permendet me dhe jo te ekzistoje midis nesh

Pëlqen! 6