Биди моја Биди моја, само моја и ќе ти го подарам светот. Не ќе можам да ги добројам сите убавини што ќе ги сторам за тебе. Ќе те бакнувам секое утро, токму во моментите пред да се разбудиш. Ќе те чекам нетпреливо да ги отвориш очите, заедно со мирисот на твојот омилен чај. Ќе те гледам милно како најпосле го истеруваш сонот за да ме земеш в прегратки.

Биди моја и ќе те гушкам секогаш кога ќе ти е тешко, ќе те гушкам дур не ти помине тагата. Ќе те одведам на најубавите места од кои застанува здивот.... ти да ги насликаш убавините на природата, јас да се изнагледам во твојата убавина....

Стани ми жена. Не ќе ти подарам прстен, но одамна веќе ја завив својата љубов околу твоето срце! Само милно ќе ти речам држејќи ја раката твоја – биди моја....

И кога ќе си помислам дека сум напишал сè што некогаш ќе можам да напишам, ми надоаѓаат уште еден грст убави зборови кои сакам да ти ги подарам. Знам дека никогаш да ми снема убави нешта за кажување, какви што заслужуваш да ти бидат кажани. Се плашам само дека ако заминеш, веќе ќе нема кој да ги чуе....

Ќе ти пишувам засекогаш, знаејќи оти кога ќе читаш, ќе се насмевнуваш, како што тоа го правиш во овој миг. Јас задоволно твоите насмевки ќе ги бројам, а ти, само биди моја....

Pëlqen! 10