Еј, јас можда бев за нигде. Ама во име на добрите денови, вети ми нешто. Дека нема да бидеш со некој сељак што не те заслужува. Уште полошо не го прави тоа од инат за мене.

Од инат биди со некој што можам вода да му носам.
Од инат биди среќна.
Од инат запознај го со мајка ти па и нека го засака, пошо јас не и бев океј.
Од инат фати го за рака кога ќе ме видиш.
Од инат, па да видам што сум оставил.

Да ми текне дека ради его те изгубив.
Да ми текне дека дури си го чувам егото, некој друг те чува тебе.
Да ми текне дека од лесни жени, клубови и флаши фајде немам.
Да ми текне дека на крајот од денот сум проклето сам.

А можев да бирам. Еден дијамант или цела тезга бижутерија. И глуп, да се имало. Да се мењало.
Можев да пробам, па да се сменам. Па да те имам. Само за мене да те имам.
Можев, ама ваков кретен како мене не се мења туку така. Превари и далавери имам дипломирано.
Затоа, ти викам. Најди некој подобар од мене. Па вечер кога ќе легнам да си помислам дека дури броев ѕвезди, ја изгубив месечината.

Pëlqen! 12